منتديات صقر الفضي

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة
المنتدي




 
الرئيسيةالتسجيلدخول

 


شاطر | 
 

 السلساال

اذهب الى الأسفل 
كاتب الموضوعرسالة
mahfoz95
..•|• إدارة المنتدى •|•..
avatar


مُساهمةموضوع: السلساال   الأربعاء مايو 13, 2009 3:23 am

على الهون ياجرح المفارق وضيق البـال
على الهـون ياهـم سطابـي وقدرتـه !

اعزك لوانـك جـرح ومجاهـدك قتـال
وروضت جسمي لاجل سقمـك وصبرتـه!

لاجل من ملك قلبي من الجال لين الجـال
وفجيت له باب عـن النـاس سكرتـه !

وحطيت له عن شمس قيظ الغرام الظـلال
وشيدت لـه بيـت بقلبـي وعمرتـه !

عشقتـه ودللتـه وجريـت لـه مـوال
وتخيرت قربـه ليتنـي مـا تخيرتـه !

رعي ريف قلبي لين صار الحشا مدهـال
وعن مدهلـه جنبـت غيـره وذيرتـه !

سقيته من عـدود الغـلا والغـرام زلال
بعد ماجذب مـن دم قلبـي وصدرتـه !

اداري عليه من الزعل وازعـل العـذال
خطاه ان كبر في عين غيري تصاغرته!


ترافقت انا وياه مـن يـوم كنـا اطفـال
تكون غـلاه بوسـط قلبـي وكبرتـه !

قبـل مايغطـي ليلـه المنتثـر بالشـال
سرقت الكرى من نون عينيه وسهرتـه!

نقش كل حرف من حروفي على السلسال
تباهى بهـا واغـاظ نـاس مجاكرتـه !

وكتبت القصايد في عيونه علي اليامـال
وليا مرنـي صـوت النواخـذ تذكرتـه

تكاثر علـي الله يجازيـه كيـف الحـال
وانا يوم اسوق العمر له مـا تكاثرتـه !

وبعد كـل هالتقديـر والحـب والاجـلال
تغيـر وهقـواتـه علـيـه مغيـرتـه!

لبسته ثياب الغطرسه ليـن جـا يختـال
وكبر في عيونه يوم الاوهـام غررتـه !

واذاالسالفه ضحك ومهازل ولعب اطفـال
خبطت الغصن لين ابرق الريش طيرته !

خلصنا وقفلنـا الصناديـق بـا لاقفـال
ومن جور حكمه كامل القلـب حررتـه !


الرجوع الى أعلى الصفحة اذهب الى الأسفل
noorzaker
..•|• إدارة المنتدى •|•..
avatar


مُساهمةموضوع: رد: السلساال   الإثنين مايو 18, 2009 8:43 pm

مشكوررررررررر
الرجوع الى أعلى الصفحة اذهب الى الأسفل
 
السلساال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات صقر الفضي :: منتـدي العـامــة :: قصص - خواطر - شعر :: الشعر-
انتقل الى: